logo logo

مجلة صحتك نعمة كل ما يتعلق بحياة الإنسان من ثقافة صحية وبأسلوب أدبي راقي

مجلة صحتك نعمة

احصل على عضوية مميزة

احصل على فرصة الكتابة وتدوين مقالاتك لدى مجلتنا الذي يثق بها الكثير في جميع أنحاء العالم. كن عضوا اليوم!

سجل الأن

EGYPT , LE (LE)

ALEX, 2154

Call: 01068731249 (-)

naama.saeed.fayomi@gmail.com
معلومات عن الكورونا

يعني ايه كورونا ؟ وليه نقعد في البيت ؟

لأني اكتشفت أن مش كل الناس فاهمة اللي بيحصل بالرغم من كل الأخبار عن الدول الأخرى اللي بتعاني من الوباء وبالرغم من تصريحات الحكومة والأزهر وإغلاق الأماكن العامة وبالرغم من تحذيرات وزارة الصحة للنا…


  • 24/05/2020
  • Views



لأني اكتشفت أن مش كل الناس فاهمة اللي بيحصل بالرغم من كل الأخبار عن الدول الأخرى اللي بتعاني من
الوباء وبالرغم من تصريحات الحكومة والأزهر وإغلاق الأماكن العامة وبالرغم من تحذيرات وزارة الصحة للناس
لكن مصممين ينزلوا من بيوتهم بدون داعي ضروري ومصرين أنهم يتجمعوا يقابلوا بعض بالأحضان كمان

الفيروس يا جماعة ده كائن ضعيف وهو لوحده كده في الشارع هيموت لانه مش هيعرف يتكاثر وهيكون وحيد وضعيف
لكن الفيروس اللي بيلاقي بني آدم قدامه ويعرف يدخل جسمه هيعيش جواه ويتكاثر ويزيد في العدد ويقوى ويقدر يعدي
إنسان تاني بسهوله

الفيروس اللي هيصيب إنسان مناعته كويسه هيقدر عليه وهيموت الفيروس

والفيروس اللي هيصيب إنسان و يموته هيموت معاه الفيروس

المشكلة فين بقى

الإنسان المصاب بينزل الشارع عادي خالص ويقابل ناس تانية ويتعامل معاهم فيقوم الفيروس يلاقي جسم جديد يدخله
ويتكاثر جواه ويزود عدده وقوته
ومنه يتنقل لإنسان جديد ومنه لإنسان تاني ومنه لإنسان تالت وهكذا العدوى هتفضل شغاله والفيروس عايش جوانا كل ما إنسان
يشفى منه في غيره هيبقى لسه عنده وعمال يعدي باقي الناس

طيب ايه الحل
أننا نعمل التباعد الاجتماعي اللي بيقولولنا عليه في التليفزيون والميديا
نقعد في بيوتنا
نحمي أطفالنا
نحمي جدو وتيتا
نحمي نفسنا
كفاية فرد واحد بس ينزل للضرورة للعمل او لشراء الأدوية والغذاء
أي مشاوير تانية ده استهتار بأرواح الناس !

لما تعزل نفسك انت لو سليم يبقى حافظت على نفسك
قال تعالى ( ولا تلقوا بأيديكم إلى التهلكة ) الآية رقم195  سورة البقرة

ولما تعزل نفسك وانت عندك الفيروس يبقى حافظت على باقي الناس من العدوى
قال تعالى (ومن أحياها فكأنما أحيا الناس جميعا ) الآيه رقم 32 سورة المائدة

لما تنزل وتقول انا كويس ماشي انت عندك مناعة غيرك معندوش انت كده بتقتله أيوه انت قاتل وربنا هيحاسبك


ماتقولش انا جاهل معرفش حاجة
لا تعرف
تعرف أنه حكومتك قالت لك اقعد في بيتك وعملتلك حظر جزئي لأن دي إمكانيات بلدك
بس انت مش بتسمع الكلام
مش بتطيع ولي الأمر
قال تعالى (يا أيها الذين آمنوا أطيعوا الله وأطيعوا الرسول وأولي الأمر منكم ) الآية رقم59 سورة النساء
أنت مذنب وربنا هيحاسبك

طيب اللي بيقول انا هنزل واخد مناعة القطيع مع باقي الناس
أنت ضامن حاجة ؟
أنت ضامن جسمك هيعمل المناعة دي ازاي ؟
هتبقى اعراضك خفيفة ولا هتحتاج مستشفى؟
ضامن تلاقي ليك مكان في المستشفى وقتها ؟

اللي بيقول ما كده كده هيرجع الفيروس تاني في موسم الشتاء الجاي
طيب ماتستنى للشتاء الجاي
مش يمكن يظهر علاج ؟
او على الأقل الشتاء الجاي أعداد الإصابات تكون قليلة وتلاقي ليك مكان في المستشفى


ياريت اللي يفهم الكلام ده  يوصل المعلومة لغيره
ربنا يحفظنا ونعدي الأزمة دي على خير

بقلم د.نعمه سعيد


موضوع له صلة


avatar

تتناول مجلة صحتك نعمة كل ما يتعلق بحياة الإنسان من ثقافة صحية وبأسلوب أدبي راقي . تهتم بصحتك و صحة عائلتك وتهدف إلى نشر الوعي الصحي بين أفراد المجتمع .

Share this article