الحلم أهو عاش

مش فاكرة حلم حلمته وعاش 

بحلم أحلام مابحققهاش

بس المهم اني مابنساش

وأرجع وأحلم و مابهداش

بحلم بقلبي مابحسبهاش

الحلم يمكن وقته ماجاش

ماهو كل حاجة وليها أوان

كلمة محال مابصدقهاش

عارفة الصعوبة معاها أمان

واللي بيجي كده ببلاش

بيروح بسرعة كأنه ما كان

...

بحلم وهأحلم تاني كمان

عن حلمي عمري مابتخلاش

واليأس مالوش جوايا مكان

اليأس حاجة مابقبلهاش

وحلمي عني مايستغناش

لو بس يعرف العنوان

أكيد لبكرة مايستناش

هيجي وأعيشه حقيقة على طول

ويومها هأقول : الحلم أهو عاش

...

في انتظار تعليقاتكم

احبكم في الله

بقلم ايمي سعيد
حقوق النشر محفوظة مجلة صحتك نعمة